Cyflog: £27,405 - £32,480
Oriau: 35
Lleoliad: Mae hon yn rôl hybrid, gyda theithio i’n swyddfa yng Nghaerdydd o leiaf unwaith yr wythnos.
Y Rhwydwaith Maethu yw prif elusen faethu a sefydliad maethu i aelodau yn y Deyrnas Unedig, sy’n ymroddedig i rymuso, cyfoethogi a chynorthwyo’r perthnasoedd wrth graidd y gymuned faethu.
Chwiliwn am Swyddog Polisi a Materion Cyhoeddus yng Nghymru i ymuno â’n tîm polisi ac ymgyrchoedd hynod effeithiol trwy’r Deyrnas Unedig i gyd. Gyda maethu’n uchel ar yr agenda wleidyddol yng Nghymru, ac etholiadau’n cael eu cynnal yn y Senedd y flwyddyn nesaf, dyma amser cyffrous i ymuno â’r sefydliad.
Fe fyddwch yn angerddol dros wella gofal cymdeithasol plant a gofal maeth i blant. Bydd gennych wybodaeth am y dirwedd bolisi a deddfwriaethol yng Nghymru ac am faterion yn ymwneud â gofal cymdeithasol plant. Bydd gennych brofiad o gyflawni ymgyrchoedd sy’n ennyn diddordeb ac o ddatblygu peirianweithiau i gynorthwyo pobl sydd â phrofiad bywyd i ymgyrchu, yn neilltuol pobl ifanc, gan fod y rôl hon yn cynorthwyo’n bwrdd cynghori pobl ifanc.
Fe fyddwch yn fedrus wrth ddylanwadu ar lunwyr polisi yn y llywodraeth ac yn seneddau’r Deyrnas Unedig, yn ogystal ag yn gallu datblygu datrysiadau polisi creadigol i greu newid. Bydd gennych brofiad sylweddol o ddadansoddi ac o gynnal ymchwil ac o gynhyrchu deunyddiau ysgrifenedig o ansawdd uchel, yn seiliedig ar dystiolaeth.
Fe fyddwch yn gyfathrebwr gwych ac yn gallu magu perthnasoedd gyda rhanddeiliaid o bob lefel, yn cynnwys seneddwyr, unigolion uwch yn y llywodraeth a phobl sydd â phrofiad bywyd.
Mae manyleb y person yn rhoi manylion y meini prawf hanfodol a manteisiol yn llawn.
Cewch y cyfle i ddylanwadu ar bolisi ac ymarfer i greu newid parhaol i ofalwyr maeth a phlant a phobl ifanc mewn gofal maeth.
Bydd y rôl yn cynnwys dylanwadu ar brosesau seneddol a llunio penderfyniadau yng Nghymru, a chyfrannu tuag at brosiectau trwy’r Deyrnas Unedig i gyd. Bydd y rôl yn darparu ymgyrchoedd effeithiol, prosiectau ymchwil allweddol a chynnwys ysgrifenedig i’n haelodau.
Erbyn hyn, gobeithiwn eich bod yn teimlo’n llawn cyffro am y disgrifiad o’r swydd rydych yn ei ddarllen.
Hyd yn oed os nad ydych yn teimlo eich bod yn bodloni pob un gofyniad, rydym yn dal i’ch annog i ymgeisio.
Mae’r Rhwydwaith Maethu wedi’i ymrwymo i gyfle cyfartal ac mae’n croesawu ceisiadau gan bob rhan o’r gymuned ac yn enwedig gan y rheiny o gefndiroedd nas cynrychiolir yn ddigonol a lleiafrifiedig. Ystyrir pob cais a phenderfyniad cyflogi ar sail teilyngdod.
I gael sgwrs anffurfiol am y rôl, cysylltwch, os gwelwch yn dda, â [email protected].
I ymgeisio, e-bostiwch eich ffurflen gais wedi’i chwblhau at [email protected]. CVs will not be accepted.
Dyddiad Cau: Hanner nos, dydd Sul, y 27ain o Orffennaf
Dyddiad Llunio Rhestr Fer: Wythnos sy’n dechrau ar y 31ain o Orffennaf
Dyddiad y Cyfweliad: 4ydd o Awst
Lleoliad y Cyfweliad: Ein swyddfa yng Nghaerdydd
Edrychwn ymlaen at glywed gennych!
Swyddfa Gofrestredig Y Rhwydwaith Maethu: 87, Blackfriars Road, Llundain SE1 8HA. Elusen gofrestredig yng Nghymru a Lloegr 280852 ac yn yr Alban SC039338 Cofrestrwyd yng Nghymru a Lloegr fel cwmni cyfyngedig, rhif 1507277 Rhif Cofrestru TAW 231 6335 90 thefosteringnetwork.org.uk