Taith Gerdded dros Faethu Caerdydd

Ymunwch â ni i ddathlu Pythefnos Gofal Maeth yng Nghaerdydd!  Ddydd Mawrth, yr 14 o Fai, byddwn yn dod â’r gymuned faethu ynghyd ar gyfer taith gerdded i godi ymwybyddiaeth ac i ddathlu’r gwahaniaeth a wna maethu i blant a phobl ifanc yng Nghymru. 

Byddwn yn cyfarfod yng Ngherddi Sophia am 10.00yb ac yn cerdded ar hyd llwybr byr a hygyrch (llai na dwy filltir) o amgylch Parc Bute, heibio i Gastell Caerdydd, a gorffen wrth siop John Lewis yn Yr Hayes.  Byddwn yn gorffen y bore gyda lluniaeth y bu ein cyfeillion yn John Lewis yn ddigon caredig i’w ddarparu. 

Mae croeso i bawb, ac felly p’un a ydych yn ofalwr maeth, yn gyflogwr sy’n ystyriol o faethu, neu’n aelod o dîm maethu, byddem wrth ein bodd o’ch gweld yno!